周不時都有啲女客人向我哋訴苦：我同另一半已經拍拖5 年拖，身邊嘅親朋好友都問我哋你哋感情咁穩定點解仲唔結婚？

又或者會有客人有另一番苦惱：我已經就快35歲，好想快啲結婚，但係仲未搵到啱我嘅另一半！

不論係思考緊結唔結婚好定係好想結婚嘅你，有冇諗過結婚嘅意義到底係乜嘢？

約定俗成咁講，
「婚姻象徵是最純粹嘅愛情，兩個人因為相愛，所以願意長相廝守，互伴終生。」，但係當你向身邊嘅親朋好友問呢個問題，真愛往往是最少會得到嘅回答，大部分人喺看待結婚時，心入都唔係咁樣考量嘅，咁佢哋心中嘅考量係乜呢？你想結婚嘅理由又係乜呢？

婚姻嘅意義係乜嘢？係為咗想要有人照顧自己？係為咗雙方嘅資源能共享？定係為咗令感情多有一份保障？你又係為咗咩原因而想結婚？因為年近中年，個個都結咗婚，你都要結？因為屋企人催你結婚，所以你都要結？

好多人步入婚姻嘅順序係：因為想結婚，所以去尋找一個符合標準嘅結婚對象，我哋唔可以話呢個順序係錯誤嘅，但係你要再思考一下：你想結婚，一定是為咗滿足、達成某啲目標，例如「擁有幸福」，咁呢個目標除了結婚以外，真係冇其他辦法可以幫你達成？

如果將婚姻當成「擁有幸福」嘅方法，當一個人認為「婚姻可以令自己得到幸福」，並為咗這份幸福而去「搵人拍拖」，呢個出發點本身就係有啲錯誤，當然，可能你喺「搵人拍拖」過程中，的確係可以搵到真愛，但係，結婚唔係100%保障會令人幸福！

對於已經愛情長跑好多年嘅人嚟講，而家嘅另一半自然係你嘅結婚對象，但係到底佢係咪一個好老公人選？

🔎 同佢一齊，你係咪真係打從心底覺得快樂？
🔎 你哋之間係咪有共同話題、愛好？
🔎 同佢一齊呢段時間，你嘅正能量有冇多咗？
🔎 你接唔接受到佢嘅缺點？佢又可唔可以包容你嘅缺點？
🔎 同佢一齊，你係咪可以做返自己嗎？
🔎 呢段關係係咪平等？
🔎 你係咪真心信任佢？對方又係咪信任你？
🔎 你哋對於未來嘅方向係咪一致？
🔎 佢可唔可以成為你背後堅實嘅後盾？

好多其實急住喺30幾歲結婚嘅女人，有時都未諗清楚自為何乜要結婚，未諗清楚現時嘅另一半係咪合適嘅結婚對象，但已經成為social norms嘅受害者，社會好多人會將30幾歲都未得嫁出嘅人，標籤為失敗者，所以令大家先要趕住結婚，但係，婚姻係一世嘅事，千萬唔好因為世俗觀念，令自己俾壓力自己，要逼自己喺適當嘅年齡結婚！

感情拯救所話你知

你而家對結婚呢個決定嘅出發點，仲有你本身嘅價值觀，都要一步步釐清自己嘅想法，先可以建構到帶俾你踏實、滿足、幸福嘅婚姻。如果你明明對自己想要嘅人生，對自己嘅感情狀態都仲係一片迷茫，對婚姻嘅想法都係一片空白，但卻因為長輩嘅催促、朋友嘅推波助瀾、社會價值觀灌輸俾你嘅想法，令你倉促地覺得自己一定要結婚，好可能喺呢段婚姻路上冇你想像中咁滿意，如果你都有類似感情煩惱，不如搵我哋傾吓啦！