你有冇遇過呢種情況？當另一半同朋友聚會時，你搵佢但佢遲遲冇應機，你開始覺得失落、唔耐煩，呢個時候，你腦海中會浮現邊啲情緒？

💔 對方更重視朋友

💔 對方同朋友共渡時光時更開心

💔 對方已經唔關心自己

為咗令對方著緊，你有冇試過喺短訊暗示對方「愛理不理」，再不斷send短訊、打電話，然後逐漸覺得有啲嬲？當對方返到屋企，問你點解嬲而你又唔講，於是好似鬥氣咁嬲足佢一日，咁樣嘅相處，係咪一個成熟、理性嘅大人戀愛模式？

戀愛同藥物上癮嘅心理病症其實差相差無幾，一旦投入熱戀，人類腦中會呈現亢奮狀態，自然分泌由大腦發出嘅「多巴胺」、「腦內啡」，呢啲神經傳導物質會帶嚟沉醉愉悅感。

♥️ 容易神魂顛倒

♥️ 容易失去理智

❤️ 腎上腺素噴發

從而容易比平時做出衝動嘅決定，你嘅舉動、情緒、感情都會變得唔理智。

當感情唔夠理性時⋯⋯ 我哋會以「非黑即白」（All or nothing thinking）嘅即時思想做基礎判斷，令我們忽略事情嘅其他可能性，只睇到自己所理解嗰一面，我哋會因為對方一句說話/一個小行動，令自己過份敏感，但呢種想法有機會源於自己嘅核心信念（CoreBeliefs）

eg：過往感情經歷令你內心自卑、欠缺理性

即使係小磨擦都會激起你嘅不安反應

好多過於用感性維繫一段感情嘅人，經常都有呢個諗法：

💭 因為我愛你，我先會咁緊張你

💭 因為我怕失去你，所以我先咁緊張

但其實咁樣係用咗「感性主導」，所以每當我哋同人講，拍拖都要有理性時，得到嘅回應大多都係：

💬 用理性拍拖？邊有可能？

💬 感情本身就係一樣冇理性嘅行為。

💬 如果要有理性，咁大家一早分咗手！

但事實係咪真係咁？

人其實係用可以用理智經營一段感情，但前提係你要清楚知自己到底需要乜嘢？

所謂「理性感情」，就係運用理性分析自己到底對於感情嘅想法，知道自己用乜嘢標準去篩選自己想要嘅嘢，詳細喺腦海中考慮清楚，計劃清楚自己每一步要點行。

理性戀愛嘅必修Points！

🔎 欲擒故縱

就算真係好愛佢表面都要假裝飄忽不定，唔可以令對方覺得「我食硬你」，要喺主動 & 被動嘅界線中掌握得好好。

🔎 戒急用忍

就算遇到感情關卡也要坦然以對、靜心觀察唔好急住同對方攤牌，要掌握自己嘅籌碼、退一步思考，先等對方出招再睇吓自己應該點應對。

🔎 分散注意

當陷入感情或曖昧冷淡期時，唔好令自己患得患失、鑽牛角尖情緒不穩，嘗試做吓其他嘢分散自己對佢嘅注意力，最正確的態度就是淡然以對、無欲則剛。

感情拯救所話你知

愛情上要好好發展，就要要同另一半長期愉快相處，要同佢愉快相處，就一定要從理性角度去維繫呢段感情，一味只係用自己主觀角度去思考，再加上情緒唔穩定，咁就會好容易喺感情上出現問題！

如果你都有類似感情煩惱，不如搵我哋傾吓啦！