身邊總有啲女仔會覺得男友出街時冷淡，但一講到床上親密就好熱情，喺床上總係花盡心思討自己歡心，講盡甜言蜜語。但完事卻瞬間開啟「聖人模式」，變得冷淡難接近，唔通呢類男人，只係當自己係SP？

好多女仔都會有以下嘅迷思：

出街拍拖時男朋友表現好冷淡
約佢出街睇戲、食飯就話冇乜興趣，叫佢想唔想約埋班friend去玩又話忙，但約佢去酒店、去佢屋企過夜、去旅行，佢又次次都話得閒，有時出街睇完場戲、食完飯，每次都總係想有下場、想做親密行為，到底佢真係愛自己，定只係純粹想上床？

男人嘅諗法 1）
「性」 & 「理性」

大家要認清一個概念，男人對「性」一定都有所渴望，對於女人都有想要征服嘅慾望，所以好多時都係用下半身思考︰「性」&「理性」。
佢哋會忽略咗女方嘅諗法，只集中於自己嘅渴求，當佢需求進行親密接觸時，就會想見另一半、想約另一半，而唔會考慮對方係咪都有呢個需要、慾望。

男人嘅諗法 2）
無法分清楚對你係性慾定愛情

有研究發現「控制愛情嘅大腦區域都同樣控制住性慾」，而「性慾實際上可以轉化為愛情」，對男人嚟講，會有種喺發生性行為後覺得自己戀愛緊嘅輕飄飄嘅錯覺，亦因為咁，當佢對你產生性慾後，大家有性行為後，佢會更加留戀、渴求呢種感覺，好容易演化成每次出完街都想有親密接觸嘅情況。

男人嘅諗法 3）
「有親密接觸 = 完整約會模式」

有啲男人會覺得情侶之間要表現愛意，最好嘅方法就係透過性行為去表達，因為床上嘅親密會令愛情昇溫，佢哋好堅信「性都係愛嘅一部分」，所以出完街後做親密接觸，就係一個「完整嘅約會模式」。

男人嘅諗法 4）
性 = 性；愛 = 愛

基於男、女生理結構唔同，男人嘅性慾較易牽動係個不爭嘅事實，過往嘅心理學研究顯示，男人喺性同愛喺某種程度上係並唔同步，所以有可能發生男人將性同愛分開嘅情況
換句話說，佢可能身體對你有強烈的渴望，但並唔代表佢係深愛你，正因為咁先會出現佢對住你時，腦中只能專注喺親密接觸上。

即Check佢唔只當你係SP？ 有將你介紹俾佢他嘅兄弟、朋友、屋企人願意花心思花揀你想食嘅食物，企圖更了解你、會問你好多個人嘅問題，會對你做啲浪漫、貼心嘅小舉動，主動同你談及未來嘅計劃，而當中提及你，好願意同你傾偈、分享佢自己嘅生活，發生性行為前會花時間喺前戲、討好你，完事後會陪埋你身邊、喺床上一齊休息。

即Check佢只係當你SP？

每次約會只係想去你屋企、佢屋企，唔想出街，唔會經常帶埋你去見佢嘅朋友、屋企人，冇興趣深入打聽你嘅過去、探討你嘅未來，喺性愛中一味只顧滿足自己、唔願做前戲，每次親熱都只係只顧自己快速完事，過份強調性愛而無法接受你嘅婉拒。

感情拯救所話你知

男人會有一種「性都係愛嘅一部分」嘅堅持，覺得呢個係佢哋表達、宣洩愛嘅一部分，作為佢嘅另一半，如果佢覺得佢每次出街都只係渴求性，咁就應該開口同佢表達你嘅諗法，真正愛你、唔係只當你係SP嘅人，係會理解你嘅諗法，但若果你講完佢都冇改變，或者你需要重新審視下佢平時嘅行為，並尋求其他解決方法啦！

如果你都有類似感情煩惱，不如搵我哋傾吓啦！